카테고리: Монгол

‘Хоёр солонгосын зэвсэггүй бүс’ Гадаад иргэдийн хамгийн их сонирхдог аялалын хөтөлбөр

크기변환_20171021-DSC_8616

Гадаад иргэдийн сонирхлыг хамгийн ихээр татдаг хөтөлбөрөөр ‘Хоёр солонгосын зэвсэггүй бүс(DMZ) -д зочлох’ гэж судалгаагаар гарчээ.

Солонгосын аялал жуулчлалын газраас 2-р сарын 14-ний өдөр гаргасан ‘Сэтгэл татсан аялалын трэнд-бодлогын чиглэл тодорхойлох’ судалгааны тайлангаас харвал Солонгосын нэг өдрийн аялал дунд Зэвсэггүй бүс, Имжингаг цэцэрлэг, 3-р тунел/хойд солонгосоос өмнөдөд нэвтэрсэн тунел/ эрх чөлөөний гүүр, үзэсгэлэн зэрэгтэй танилцдаг DMZ-д зочлох хөтөлбөрийг нэрлэжээ.

Хоёрдугаарт нь бага хүний бүрэлдэхүүнтэй шөнийн хоолны тур буюу шөнийн цагаар /4 цагийн турш/ Barbecue, Дүпүжон, сүжү, магголли зэрэг солонгос хоол амтладаг хөтөлбөр түүний дараа ‘Солонгосын эртний хааны ордон, музей үзэх’ хөтөлбөр оржээ.

Дөрөвдүгээрт Солонгосын K-POP, тавдугаарт Солонгос айлд очин үндэсний хоол хийх сургалт зэргийг нэрлэжээ.

Continue reading “‘Хоёр солонгосын зэвсэггүй бүс’ Гадаад иргэдийн хамгийн их сонирхдог аялалын хөтөлбөр”

* Хана олон соёлын Дарин төвийн хөтөлбөрүүд

1. Бүжгийн дугуйлан /хүүхэд/
– Агуулга : K-pop бүжиг, улс орнуудын үндэсний бүжиг
– Хэн хамрагдах : Бага сургуулийн 2~6 ангийн олон соёлт гэр бүлийн хүүхэд
– Хөтөлбөрийн хугацаа : 2018.02.24 ~ 04.28
– Цаг : Бямба гариг бүр 13:00~15:00
– Төлбөр : 50,000 вон(80%-иас дээш ирцтэй хамрагдвал буцааж олгоно)
– Бүртгүүлэх хугацаа : ~ 2. 20 хүртэл

2. Олон соёлын бяцхан багш бэлтгэх
– Агуулга : эцэг эхийн улсын хэл болон соёл, соёлын хөтөлбөр
– Хэн хамрагдах : Монгол, Индонез, Вьетнам, Хятад соёлын гэр бүлийн бага сургуулийн 2~6анги)
– Хөтөлбөрийн хугацаа : 2018.03.10 ~ 06. 30
– Цаг : Бямба гариг бүр 14:00 ~ 16:00
– Төлбөр : 50,000 вон(80%-иас дээш ирцтэй хамрагдвал буцааж олгоно)
– Бүртгүүлэх хугацаа : ~ 3. 08 хүртэл

3. Илбэний сургалт Magic-хүүхэд
– Агуулга : Илбэний онол, гэр бүлтэйгээ хамт хөгжилдөж болох илбэ
– Хэн хамрагдах : 7-оос дээш насны хүүхэдтэйгээ хамт хамрагдах Солонгос Гадаад гэр бүл
– Хөтөлбөрийн хугацаа: 2018.03.11 ~ 04.01
– Цаг : Ням гариг бүрийн 10:00 ~ 12: 00
– Төлбөр : 5,000 вон
– Бүртгүүлэх хугацаа : ~ 3. 09 хүртэл

4. Глобал үлгэрийн аялал
– Агуулга : Webtoon хийх (Хайчлахаас эхлээд үлгэрийн баатар хийх хүртэл)
– Хэн хамрагдах : Олон соёлт гэр бүлийн 12~16насны хүүхэд
– Хөтөлбөрийн хугацаа : 2018.03.11 ~ 05.20
– Цаг : Ням гариг бүрийн 12:00 ~ 14:00
– Төлбөр : 50,000 вон(80%-иас дээш ирцтэй хамрагдвал буцааж олгоно)
– Бүртгүүлэх хугацаа : ~ 3. 09 хүртэл

5. Сайхан биетэй болох хөтөлбөр
– Агуулга : Жин хасах, зөв хооллох
– Хэн хамрагдах : Гадаад эмэгтэй
– Хөтөлбөрийн хугацаа : 2018.03.18 ~ 05.27
– Цаг : Ням гариг бүр 10:00 ~ 11:00
– Төлбөр : – Төлбөр : 50,000 вон(80%-иас дээш ирцтэй хамрагдвал буцааж олгоно)
– Бэлтгэх зүйл : Пүүз, бэлтгэлийн хувцас, матрас
– Бүртгүүлэх хугацаа : ~ 3. 15 хүртэл

Бүртгүүлэх : http://hanadarin.com/
Лавлах : 02-743-6744

Пёнчаны Олимпын олон нийтийн тээврийн хэрэгсэл

999

Пёнчаны Олимп үзэхийн тулд үйлчлүүлж болох олон нийтийн тээврийн хэрэгсэл нь хурдны галт тэрэг(KTX), автобус юм. Хурдны галт тэргээр Инчоны нисэх онгоцны буудлаас Канглынг буудал хүртэл 2 цагийн дотор очих боломжтой бөгөөд спортын ордоны ойролцоох Жинбү болон Канглынг буудалд бууна.
Хурдны автобус нь спортын ордон бүрийн өмнө зогсох автобусны терминал болох Хуйнгхэ болон Жинбү, Жонгсон, Жангпён, Ганглынг терминал хүртэл явна. Спортын ордны ойролцоох буудал болон терминалд буусан бол спортын ордон хүртэл үнэгүй явах автобусыг ашиглаж болно. Үнэгүй автобусаар үйлчлүүлэхэд тоглолтын билэттэй эсэх хамаарахгүйгээр хэн ч үйлчлүүлж болно.
Пёнчаны Олимпийн албан ёсны сайт (https://www.pyeongchang2018.com/ko/spectator-guide/infrastructure) болон ухаалаг утасны апплекэйшн ‘Go Pyong Chang’ ашиглавал нийтийн тээврээр үйлчлүүлэх мэдээлэл авахад амар байх болно. Нөгөө талаараа Сөүл хотын захиргаанаас Сөүл – Пёнчан – Канглынг хооронд үнэгүй автобусаар үйлчилнэ.
Тэмцээн болон урлагийн тоглолт, үзэсгэлэнгийн билеттэй бол , ‘Пёнчан цахим автобус ‘(www.e-busnvan.co.kr )-ны гар утасны пэйж болон апплекэйшн ‘eBUS&VAN’-д элссэний дараа урьдчилан захиалга хийх хэрэгтэй.

Continue reading “Пёнчаны Олимпын олон нийтийн тээврийн хэрэгсэл”

Сөүл хотын захиргаанаас Гадаад иргэдийн холбоодын соёлын үйл ажиллагааг 6 сая хүртэл воноор дэмжинэ.

seoul

Сөүл хотын захиргаанаас гадаад иргэдийн холбоодын үйл ажиллагаа, соёлын үйл ажиллагааг идэвхжүүлэх, Солонгос иргэдэд бусад улс орны соёлтой танилцах боломж олгохын тулд ‘Гадаад иргэдийн холбоодын соёлын үйл ажиллагааны нээлттэй шалгаруулалт’ явуулж дэмжлэг үзүүлнэ. Үйл ажиллагааны нийт төсвийн 80% хүртэл, дээд хэмжээ нь 6 сая хүртэл вонын дэмжлэг олгоно.
Дэмжлэг авах хүрээ 2018 оны 3-р сараас 11 сар хүртэл зохиогдох Гадаад оюутан, Солонгос иргэнтэй гэр бүл болсон эмэгтэйчүүд, Гадаадын ажилчны гэх мэт гадаад иргэдийн холбоод болон ТББ-ын Сөүл хотод зохиогдох урлаг, спорт, хоол, үндэсний хувцасны гэх мэт соёлын үйл ажиллагаа байна. Хотын захиргаанаас улс бүрийн тэмдэглэлт өдөр болон үндэсний баярын өдрийн соёлын үйл ажиллагааг соёлын солилцоо, хамтын ажиллагаа, иргэдийн оролцоотой баяр болгон өргөжүүлэх боломжтой үйл ажиллагаанд дэмжлэг үзүүлэхээр төлөвлөж байна.
Үйл ажиллагааны агуулга, хэрэгжүүлэх чадвар, үр дүн зэргийг харгалзан шалгаруулах бөгөөд дэмжлэг үзүүлэх үйл ажиллагаа болон төсвийн хэмжээг баталж 3-р сарын дунд үед мэдэгдэнэ. Хамрагдах хүсэлтэй гадаад иргэдийн холбоод үйл ажиллагааны төлөвлөгөө, холбооны танилцуулга, хамрагдах хүсэлтийн анкетыг бөглөн бүртгүүлнэ.
Хамрагдах хүсэлтийн маягт болон бусад мэдээллийг Сөүл хотын захиргааны (http://www.seoul.go.kr), Сөүл глобал төвийн (http://global.seoul.go.kr), Сөүл хотын Ханултари (http://www.mcfamily.or.kr ) вэб сайтаас авна уу.

Continue reading “Сөүл хотын захиргаанаас Гадаад иргэдийн холбоодын соёлын үйл ажиллагааг 6 сая хүртэл воноор дэмжинэ.”

Гадаад ажилчдын буцаан аваагүй байгаа даатгалын мөнгө 112 тэрбум

money-2724241_640

Тус улсад хөдөлмөрийн гэрээгээр ирсэн гадаадын ажилчид буцаан аваагүй байгаа даатгалын мөнгө 2017 оны байдлаар 112 тэрбумд хүрчээ.
Соёлын мэдээ сонин(The Munhwa Ilbo)-ы мэдээлснээр хөдөлмөрийн гэрээгээр ирсэн гадаад ажилчдын зайлшгүй даатгуулах ёстой даатгал болох Нутаг буцах зардлын даатгал болон 13 дахь сарын даатгалын 23,436 хүн 112 тэрбум воноо буцаан аваагүй байна.
Гадаадын ажилчид нутаг буцахын өмнө тус даатгалын мөнгийг буцаан авах хүсэлт гаргаж Инчоны нисэх онгоцны буудал дээрээс авах ёстой байдаг. Хэлэлцэх хугацаа нь дууссан даатгалын мөнгийг Солонгосын Аж үйлдвэр хүний нөөцийн газар(Human Resources Development Service of Korea)-аас эзнийг нь хайж өгч байгаа бөгөөд хууль бус/харласан/ болсон ч хүсэлтээ гаргасан тохиолдолд хэзээд ч авч болох юм байна.

Continue reading “Гадаад ажилчдын буцаан аваагүй байгаа даатгалын мөнгө 112 тэрбум”

Простестант шашны эсэргүүцлээр ‘явуулын мөргөл үйлдэх өрөө байршуулах ажил’ талаар болов

222

Кангвон аймгийн Ганлынд туршилтын журмаар хийхээр төлөвлөж байсан Ислам шашинтай хүмүүст зориулсан явуулын мөргөл үйлдэх өрөө байршуулах ажил талаар болсон байна.
Солонгосын аялал жуулчлалын газраас Ислам шашинтай жуулчдыг татах зорилгоор Олимпод оролцох тамирчид болон жуулчдад зориулсан мөргөл үйлдэх өрөө байршуулахаар төлөвлөж байв.
Энэ тухай олон нийтэд мэдэгдсэний дараагаас цахим орчинд хуучинсаг протестант шашинтнууд голчилсон Солонгосын аялал жуулчлалын газар болон Ганлын хотын захиргаанд явуулын мөргөл үйлдэх өрөө байрлуулах ажлын талаар эсэргүүцлээ илэрхийлж утасдая гэсэн агуулгатай мэссэжүүд тархав. Ньюс 1-ээр мэдээлснээс харвал “нэг шашинд онцгой эрх олголоо”, “удам дагасан үзэл баримтлалтай Ислам шашинаас сэрэмжилье”гэх зэрэг учир шалтгаанаар эсэргүүцсэн байна.
Солонгосын аялал жуулчлалын газрын холбогдох ажилтан ‘ Ганлын хоттой тохиролцож Олимпийн үеэр явуулын мөргөл үйлдэх өрөө байршуулахаар төлөвлөж байсан боловч хуучинсаг протестант шашинтнуудын эсэргүүцэл их байсан учир больсон’ гэж мэдэгдэв.

Continue reading “Простестант шашны эсэргүүцлээр ‘явуулын мөргөл үйлдэх өрөө байршуулах ажил’ талаар болов”

2017 онд гадаадад зорчсон Солонгос иргэдийн тоо 18%-иар өсөж, Солонгос улсыг зорьж ирсэн гадаад иргэдийн тоо 22% буурав.

aircraft-513641_640

2017 онд гадаадад зорчсон Солонгос иргэдийн тоо өнгөрсөн жилтэй харьцуулахад 18%-иар өссөн боловч тус улсад зорьж ирсэн гадаад иргэдийн тоо 22%-иар буурчээ.
Энэ сарын 22-ны өдөр БНСУ-ын Хууль зүйн яамнаас гаргасан Статистик мэдээнээс харвал өнгөрсөн жил гадаадад зорчсон Солонгос иргэдийн тоо 53 сая 440 мянга байсан бөгөөд энэ нь өнгөрсөн жилийнхээс 17,9%-иар өссөн байна. Нөгөө талаас тус улсад ирсэн гадаад иргэдийн тоо 26 сая 960 мянга, 22,2% буюу 7 сая 710 мянган хүнээр буурчээ.
Тус улсын хилээр орж ирсэн гадаад иргэдийг улс бүрээр харвал Хятад иргэд 4 сая 390 мянга(32.4%), Япон иргэд 2 сая 230 мянга (17.2%), Америк иргэд 960 мянга(7.1%), Тайван улсаас 950 мянган(7.1%) иргэн хамгийн олноор ирсэн байна.
Гадаад иргэдийг тус улсад ирж буй зорилгоор нь ангилж үзвэл аялал жуулчлалын зорилготой буюу түр хугацаагаар ирсэн хүмүүс 77.5%-тай байна. Түүнчлэн гэр бүлийнхэн дээрээ ирэх (5,1%), ажиллах (4,5%) тус тус эзэлж байна.
2017 оны сүүлчээр тус улсад оршин сууж буй гадаад иргэд (түр хугацаагаар ирсэн иргэдийг хамруулсан)-ийн тоо 2 сая 180 мянга болжээ. Үүнд : Хятад (46.7%), Вьетнам (7.8%), Тайланд (7.0%), Америк (6.6%) иргэд эхний байруудыг эзэлж байна.
91–ээс дээш хоног буюу удаан хугацаагаар оршин сууж буй гадаад иргэдийн тоо 1 сая 580 мянга, тэдний 65,2% нь хот суурин газар оршин сууж байна. Түүнчлэн тус улсад цагаачлах хүсэлт гаргасан гадаад иргэдийн тоо 2015 онтой харьцуулахад 31,8%-иар өсөж 9,942-д хүрчээ.

Continue reading “2017 онд гадаадад зорчсон Солонгос иргэдийн тоо 18%-иар өсөж, Солонгос улсыг зорьж ирсэн гадаад иргэдийн тоо 22% буурав.”